दोहा कतार १३ जनवरी । कतारमा रोजगारीका क्रममा रहेका सिरहा जिल्ला नवराजपुर गाउँपालिका वडा नम्बर ४ निवासी सन्तोष कुमार शर्माको दु:खद निधन भएको छ। शर्माको असामयिक निधनले उनको परिवार र शुभचिन्तकहरूलाई गहिरो शोकमा पारेको छ।
स्वर्गीय शर्माको शवलाई नेपाल पठाउन सिरहा सेवा समाज कतारले अग्रणी भूमिका निर्वाह गरेको छ। समाजका विशेष सल्लाहकार जहागिर आलमको नेतृत्वमा अध्यक्ष जय प्रकाश यादवसहित सिरहा सेवा समाज कतार परिवारले आवश्यक सम्पूर्ण प्रक्रिया पूरा गर्न सफल भएका छन्। इकोनोमिक गल्फ युनाइटेड कम्पनीमा कार्यरत शर्माको कम्पनीसँगको आर्थिक हिसाब-किताब पूरा गरी परिवारलाई हस्तान्तरण गरिएको छ।
यस कार्यमा कतारस्थित नेपाली राजदूतावास र एन.सि.सि. कतारका अध्यक्ष रमेश भट्टसँग समन्वय गरी सिरहा सेवा समाज कतारले सम्पूर्ण प्रक्रिया सहज बनाएको छ। स्वर्गीय शर्माको शवलाई नेपाल पठाइएको छ, जसले पीडित परिवारलाई केही राहत पुर्याएको छ।
सिरहा सेवा समाज कतारले स्वर्गीय शर्माप्रति श्रद्धाञ्जलि अर्पण गर्दै शोकाकुल परिवारजनप्रति गहिरो समवेदना व्यक्त गरेको छ। समाजले यस दुखद घटनामा प्रवासी नेपाली समुदायबीचको एकता र सहयोगको उत्कृष्ट उदाहरण प्रस्तुत गरेको छ।
यो घटना प्रवासी नेपालीहरूको सहकार्य र एकताले गम्भीर परिस्थितिहरूमा कत्तिको महत्त्वपूर्ण भूमिका खेल्न सक्छ भन्ने प्रमाणित भएको छ। पीडित परिवारलाई न्याय र सहयोग पुर्याउने समाजको प्रयास अत्यन्त सराहनीय छ।
शोकको यस घडीमा, स्वर्गीय शर्माको आत्माको चिर शान्तिको कामना गर्दै, उनको परिवारलाई धैर्यधारण गर्ने शक्ति प्राप्त होस् भन्ने शुभेच्छा व्यक्त गरिएको छ।
